ماهى مميزات برنامج محاسبة محطات الخرسانة الجاهزة والبلوك

ازاى برنامج محاسبة وادارة محطات الخرسانة الجاهزة والبلوك AccFlex Mix بيغطى دورة التشغيل فى محطات الخرسانة الجاهزة؟
ايه هى أهم المعايير اللى لازم تاخدها فى اعتبارك اذا كنت بصدد شراء برنامج ادارة وتشغيل لمحطات الخرسانة الجاهزة؟
ازاى تبني نظام محاسبي ودورة مستندية متكاملة لمصنع خرسانة جاهزة؟
مميزات برنامج ادارة محطات الخرسانة الجاهزة والدورة المحاسبية لمصانع الخرسانة الجاهزة:

تعد منظومة أكفليكس لادارة المحطات الخرسانة الجاهزة بتعد من أقوى البرامج المحاسبية المتخصصة فى ادارة نشاط الخرسانة الجاهزة مش بس محاسبيا، لكن اداريا من خلال دورة تشغيل متكاملة متناسبة مع النوع ده من النشاط ونقدر نتعرف على أهم مميزات برنامج ادارة مصانع الخرسانة الجاهزة والبلوك من خلال مراحل العمل على النظام بشكل كامل.
مراحل دورة التشغيل فى برنامج محاسبة ادارة محطات الخرسانة الجاهزة Ready Mix ERP Software :

1) مرحلة الحجز على برنامج محاسبة محطات الخرسانة
ودى أول مرحلة من مراحل دورة التشغيل على برنامج محاسبة وادارة مصانع الخرسانة الجاهزة واللى بيكون مسؤل عنها ادارة المبيعات العميل، ومن خلالها بنسجل طلبات العميل بالتفصيل على السيستم، ولان دي مرحلة مهمه جدا من مراحل العمل على السيستم من المفترض ان مسؤل المبيعات بيسجل البيانات دي على السيستم
اسم العميل.
أنواع الخرسانة المطلوبة من حيث المحتوي والجهد الخرسانى.
وقت التسليم باليوم والساعة.
المعدات المستخدمة زي رقم البامب والخلاطة وغيرها.
شاشة الحجز فى برنامج حسابات وادارة محطات الخرسانة الجاهزة

2) جدولة عمليات الانتاج فى برنامج حسابات ادارة محطات الخرسانة الجاهزة
والمرحلة دي بيقوم برنامج حسابات وادارة محطات الخرسانة الجاهزة بشكل تلقائى تمامًا وبتتم بناءا على المرحلة السابقة ( الحجز) بحيث ان مدير المحطة أو مدير الانتاج يقدر بسهولة يستعرض جدول التشغيل باليوم اوالاسبوع أو على حسب الفترة الزمنية المطلوب استعراضها كخطة انتاج.

3) أوامر الانتاج فى برنامج محاسبة وادارة محطات الخرسانة الجاهزة :
وفى المرحلة دي بنثبت الانتاج الفعلى بناء على الخطة الموجودة بالنظام، وكل اللى بيعملة مستخدم النظام انة بيستدعى رقم الحجز اللى هايشتغل عليه بناءا على الجدول الموضوع، وبعد كدا بيثبت الانتاج الفعلى والكمية المسحوبة فعليا من الخامات، ونخلى بالنا ان السيستم هنا بيقارن مابين المخطط والفعلى من ناحية الانتاج التام، وفى نفس الوقت بيقارن ما بين المعياري والفعلى للخامات المسحوبة، وبناءا علية بيطلع تقارير مهمه جدا عن انحرافات الانتاج بالكمية والتكلفة.
شاشة انشاء امر انتاج بناءا على رقم الحجز/التعاقد وربط الامر بالسائق المسؤول عن التسليم فى برنامج حسابات ادارة محطات الخرسانة الجاهزة .

_ تنبيهات برنامج محاسبة الخرسانة الجاهزة بالخامات المطلوبة لاتمام عملية التشغيل والانتاج

سحب الكميات الفعلية مع امكانية الاسترشاد بالمعياري

4) مرحلة الانتاج والتسليم فى برنامج محاسبة وادارة محطات الخرسانة الجاهزة
وهنا بيتم تسليم الخرسانة للعميل على مراحل من خلال الخلاطات والسائقين وبيتم اثبات عملية التسليم وقبولها من خلال سند استلام الخرسانة واللى بيكون مسجل فيه كل البيانات اللازمة زي بيانات العميل و نوع وكمية الخرسانة المسلمة للعميل .
شاشة اتمام الانتاج والتسليم فى برنامج محاسبة وادارة محطات الخرسانة الجاهزة.


5) مرحلة اصدارالفواتير من برنامج محاسبة وادارة مصانع الخرسانة
والمرحلة دي بتتم بمعرفة الادارة المالية بالشركة، ومن خلالها بيتم اثبات استحقاق مديونية العميل بناءا على حجم التسليمات اللى تمت فى المرحلة السابقة، وعشان يتم اثبات المرحلة دي على النظام بيقوم مسؤل الحسابات باصدارة فاتورة بيع مستدعاه من من اذونات التسليم السابقة.
شاشة اصدار الفواتير بموجب اذون استلام الخرسانة من العملاء فى برنامج محاسبة الخرسانة الجاهزة.


شاشة الفاتورة فى برنامج محاسبة الخرسانة الجاهزة


الدورة المحاسبية لشركات الخرسانة الجاهزة وتطبيقها فى برنامج محاسبة وارة محطات الخرسانة الجاهزة وبرنامج الحسابات العامة.
وهنا هانشوف ازاى السيستم بيترجم المراحل السابقة ودروة التشغل ماليا داخل برنامج الحسابات العامة (العمليات ذات الاثر المالى ).
1) عند سحب الخامات
هنا بمجرد مابتتم عملية السحب السيستم بيقوم ب3 عمليات :
خصم الخامات من مخزن الخامات بالكمية والكلفة ( على حسب طريقة تسعير المنصرف من المخزون).
تعلية الانتاج تحت التشغيل بكمية وتكلفة الخامات المسحوبة من مخزن الخامات.
اثبات قيد اليومية لعملية السحب بالشكل ده :
من ح الانتاج تحت التشغيل.
الى ح/مخزن الخامات.

2) تحميل الانتاج بتكاليف العمالة والتكاليف الغير مباشرة
وهنا فى حالة الرغبة فى معرفة تكلفة متر الخرسانة من نوع معين بتكلفة الخامات والعمالة والتكاليف الغير مباشرة الاخري، وبناءا على تحديد مسبق لمعدل اجر الساعة للفئات العمالية المختلفة السيستم بيحمل الانتاج باستفادته من العمالة وايضا التكاليف الغير مباشرة الاخري وبالتالى هايتوفر لدينا معلومة مهمة جدا عن تكلفة الانتاج وهامش الربح المحقق بشكل دقيق جدا.
قيداثبات تحميل الانتاج تحت التشغبل بالتكاليف المباشرة والغير مباشرة :
من ح انتاج تحت التشغيل
الى ح مراقبة الاجور المباشرة.
الى ح مراقبة التكاليف الغير مباشرة.

3)عند التسليم
وهنا من الضرورى جدا اننا نفهم ان فى مرحلة التسليم بيتم تخفيض الانتاج تحت التشغيل بقيمة الخرسانة التامة المصنعه وتحميلها على حساب وسيط لحين الفوترة والاعتراف بالايراد وبيتم اثبات العملية دي بالقيد ده :
من ح تحويلات مخزنية ( حساب وسيط)
الى ح انتاج تحت التشغيل.

4) مرحلة الفوترة
ومن خلالها بنعترف بايراد عملية البيع بعد الانتهاء من التسليم للعميل، وبمجرد ما بيتم انشاء فاتورة مبيعات ( مستدعاه من اذون تسليم) بيتم اثبات القيود التالية
_ قيد اثبات تكلفة المبيعات (واقفال الحساب الوسيط)
من ح تكلفة المبيعات
الى ح تحويلات.
قيد اثبات الايراد :
من ح العميل
الى مذكورين
ح ايرادات مبيعات انتاج تام
ح ضريبة القيمة المضافة على المبيعات.
قيد المبيعات فى برنامج الحسابات العامة

وبكدا نكون تناولنا بشكل اساسي مميزات برنامج محاسبة وادارة محطات الخرسانة الجاهزة وتطبيق دورة محاسبية ومستندية متكاملة لمص,ع خرسانة جاهزة وتطبيقها على برنامج الحسابات العامة.
تقدر تاخد فكره من خلال الرابط ده وتطلب عرض فني ومالي من خلال الرابط ده :
https://accflex.com/
تقدر تدخل الكورس من علي قناتنا علي يوتيوب :https://www.youtube.com/playlist?list=PLj6g87I4C7yTVrg0qVk-ObI2XW2jtwZOs